سياسة الاسترجاع
آخر تحديث: 16 أكتوبر 2026
عايزينك تشترك وإنت مطمّن. لو الاشتراك مش مناسب ليك، تقدر تطلب استرجاع مبلغه كامل خلال 14 يوم من الدفع.
1. التجربة المجانية
- التجربة المجانية من غير أي دفع، فمفيش فيها مبلغ يتسترجع. جرّب النظام كويس قبل ما تشترك.
2. استرجاع كامل خلال 14 يوم
- لو دفعت اشتراك (شهري أو سنوي) وطلبت الاسترجاع خلال 14 يوم من تاريخ الدفع، بنرجّعلك المبلغ كامل من غير أسئلة كتير.
- ده بينطبق على أول اشتراك ولكل تجديد، من تاريخ الدفع بتاعه هو.
- الإضافات اللي بتدفعها مع الاشتراك ليها نفس المدة ونفس الحكم.
3. بعد 14 يوم
- بعد المدة دي مبنرجّعش مبلغ الفترة اللي اتدفعت، لكن تقدر تلغي التجديد في أي وقت، وحسابك بيفضل شغال لحد آخر يوم دفعت عنه.
- لو حصلت مشكلة عندنا (النظام وقف أو خدمة مدفوعة ماشتغلتش زي ما هو موضح)، كلّمنا وهنراجع الحالة ونعوّضك أو نرجّع المبلغ حسب الحالة.
4. إزاي تطلب الاسترجاع
- ابعتلنا على info@ashalnow.com من نفس الإيميل أو رقم التليفون المسجّل في حسابك، واكتب اسم المتجر وتاريخ الدفع وطريقة الدفع.
- بنرد عليك خلال يومين شغل، وبنأكدلك لما المبلغ يترجّع.
5. إزاي بيرجع المبلغ
- الدفع بالدولار (كارت أو Apple Pay أو PayPal) بيتم عن طريق Paddle، وهي الجهة اللي بتبيع وتحصّل الدفع نيابة عننا. الاسترجاع بيرجع لنفس طريقة الدفع اللي استخدمتها، وبيظهر عادةً خلال 5 لـ 10 أيام عمل حسب البنك.
- الدفع بالجنيه (إنستاباي أو تحويل أو محفظة) بيرجع بنفس الطريقة اللي دفعت بيها، على نفس الحساب أو الرقم اللي حوّلت منه.
- الاسترجاع بيكون بنفس العملة اللي دفعت بيها. فروق سعر الصرف أو رسوم البنك (لو في) مش تبع أسهل ناو.
6. بعد الاسترجاع
- لما نرجّع اشتراك، الحساب بيرجع للوضع اللي قبل الدفع. بياناتك بتفضل محفوظة المدة المعتادة، ولو عايز نسخة منها اطلبها مننا قبل ما الحساب يتوقف.
- بنحتفظ بحق رفض الاسترجاع في حالات الاستخدام المسيء أو الاحتيال أو محاولة الاسترجاع المتكرر لنفس الخدمة.